Telegram en galego en Android

Nesta páxina explicámosche os pasos que tes que seguir para usar Telegram en galego en Android. Previamente tes que configurar Android en galego.

Tes que acceder á aplicación Play Store, a aplicación usada para acceder á tenda en liña de Google, para buscar o Telegram.

No seu buscador, tes que buscar Telegram e logo premer na primeira coincidencia.

Entre os resultados tes que buscar «Telegram» e premer no botón Instalar.

Trala descarga e instalación, xa podes executar Telegram premendo o botón Abrir.

E logo da instalación, para executalo só tes que premer na súa icona.

Agora tes que cambiar Telegram á versión galega, dun xeito moi sinxelo: só tes que premer na seguinte ligazón desde o teu móbil con Android: https://t.me/setlanguage/gl-beta e a continuación premer no botón Set Language.

A continuación tes que premer o botón Abrir para permitir abrir Telegram e continuar co cambio de idioma.

Xa dentro de Telegram, tes que premer o botón Change para permitirlle a Telegram cambiar de idioma.

E xa tes o Telegram en galego.

Dispós de máis información sobre Telegram en galego na web oficial.