Pology é unha ferramenta de liña de ordes que permite traballar con ficheiros de GNU Gettext.
As súas funcionalidades inclúen:
- Atopar mensaxes con erros detectados por correctores.
- Atopar mensaxes con erros detectados por regras de idiomas.
- Abrir as mensaxes atopadas en Lokalize.
- Engadir traducións automáticas como borradores.
Para comezar a usar Pology, sigue as instrucións de instalación.
Unha vez instalado, a principal orde que usarás será posieve, especificamente cos seguintes módulos de procesamento (sieves):
- check-spell-ec, que informa de erros detectados polo corrector de galego baseado en Hunspell.
- check-rules, que detecta incumprimentos das regras para o galego de Pology, que aplican dentro do posíbel os criterios da guía de estilo e do glosario.