Chamamos Proxecto Trasno a dúas cousas, a comunidade que colabora, discute, realiza o seu labor na lista de correo proxecto@trasno.gal que é o ámbito fundamental e, por outra parte á asociación legal. Comparten obxectivos pero non están compostas nin se rexen da mesma maneira.

Proxecto Trasno

O Proxecto Trasno nace no ano 2000 a partir de dous proxectos que no 1999 comezan a localizar software libre e documentación ao galego. Durante estes anos os voluntarios do proxecto traballaron nos principais aplicativos de software libre: dende as distribucións Linux, aos ambientes de escritorio a cantidade de ferramentas de ofimática ou multimedia. Así mesmo, o traballo de elaboración de terminoloxía do eido das novas tecnoloxías é unha das principais ocupacións do grupo.

A Asociación Cultural Proxecto Trasno

Oficialmente, a “Asociación Cultural para a Galeguización de Software Libre Proxecto Trasno” é unha organización sen ánimo de lucro de ámbito autonómico galego que representa legal e financeiramente ao Proxecto trasno dende 2009.

• Promover as iniciativas de localización
• Localizar software libre ao galego
• Dar recursos e ferramentas aos voluntarios que localizan software ao galego, entre eles proporcionar a infraestrutura, o mantemento do dominio e a promoción da participación.
• Contribuír á lingua galega mediante a inserción desta no ámbito das novas tecnoloxías
• Representar á comunidade do Proxecto Trasno

Tes información máis detallada en:

• Asociación
• Proxecto Trasno