Proxecto Trasno

Proxecto Trasno é unha comunidade aberta de voluntarios que se dedican a localizar software libre ao galego. Isto é,

  • é un proxecto de colaboración por medio da Internet para traducir aplicativos informáticos ao galego
  • é un proxecto que se dedica só ao software libre
  • é un proxecto formado por voluntarios, que contribúen o seu tempo e esforzo gratuitamente
  • un punto de encontro para todos os que queremos que haxa tecnoloxía en galego

Dende o ano 2009 o Proxecto Trasno está amparado pola Asociación Cultural para a Galeguización de Software Libre Proxecto Trasno.

Algo de historia

As orixes de Trasno están en dous grupos que traballaban por separado. Na primavera de 1999 nace o grupo  Gzlinux , fundado por Manuel A. Fernández Montecelo e Woden, para dedicarse á tradución de documentación (guías e manuais). Por outra banda en xullo de 1999 iniciase no GPUL (Grupo de programadores e usuarios de Linux da Universidade da Coruña) un subproxecto, coordinado por Jacobo Tarrío, para a tradución das utilidades de GNU e de programas libres en xeral.

Ámbolos grupos evolucionaron por separado ata que a principios do 2000 membros dun e doutro, así como xente que traballaba independentemente destes grupos, decidiron fusionarse nun único grupo. Este grupo, o nacente Proxecto Trasno, serviu dende entón como punto de referencia para todo aquilo relacionado coa galeguización do software libre. (Saber máis)

»» Únete

Leave a Reply

O teu enderezo electrónico non se publicará Os campos obrigatorios están marcados con *

*