Comezar con LibreOffice 4.0

Acaba de saír a nova versión da guía de inicio para os usuarios de LibreOffice. Está enfocada á nova serie da suite, a versión 4, polo que consitúe a mellor ferramenta para sacarlle o máximo partido a todos os aplicativos da suite (Writer, Impress, Draw, Base…) Esta guía, que consta de case 400 páxinas, está feita pola comunidade polo que se ofrece para o uso libre por parte de usuarios, formadores e entidades. Ora ben, está dispoñible unicamente en inglés neste momento. O Guía Getting Start (…)


Manuais e recursos de usuario

Google outra vez ao bloqueo!

Desde o equipo de tradución ao galego de LibreOffice queremos facer saber: Sabedes que unha das funcionalidades máis interesantes da rama 4 é a do control remoto de Impress mediante un dispositivo con Android. Ben pois o aplicativo para Android ofrécese desde aquí https://play.google.com/store/apps/… A descrición do aplicativo e as instrucións de uso pódense usar en varias linguas españolas como o castelán e o catalán pero non en galego nin en euscara porque a Google Play non ofrece esta opción (…)


Coordinación

LibreOffice 4.0

Despois de varios meses de intenso desenvolvemento, acaba de chegar a nova serie 4 de versións da suite ofimática LibreOffice.

A suite conta cunha completa localización en galego realizada polo Galician Native Lang Team polo que os usuarios galegos terán á súa disposición unha das ferramentas máis transversais e importantes producidas polo sector do software libre, na nosa lingua e de balde.

Son moitas as novidades que trae esta versión (que se poden consultar aquí https://wiki.documentfoundation.org/ReleaseNotes/4.0/gl) pero só é o principio xa que tras os profundos cambios no código, nas vindeiras versións haberá un ritmo aínda máis acelerado de mellores e novas funcionalidades.

Recoméndase que só os usuarios que se consideren avanzados substitúan as súas versións da serie 3.6 por esta versión 4.0 xa que ao haber tantas diferenzas de fondo e ser a primeira versión desta serie non se considera “madura” para traballar en entoros críticos.

Cómpre lembrar que aínda non hai 2 semanas saíu a última versión da serie 3.6, a 3.6.5 que é unha excelente versión, moi madura e moi estable para o traballo intensivo. Pódese obter aquí
http://gl.libreoffice.org/descarga/?type=win-x86&lang=gl&version=3.6.5

O equipo galego está sempre aberto á colaboración de quen queira participar en calquera das áreas de traballo abertas: desenvolvemento, dinamización, tradución, materiais e recursos didácticos, organización de actividades, etc.

Os usuarios podedes realizar consultas ben nas listas de correo do proxecto galego de LibreOffice (users@libreoffice.org) ou comentando calquera incidencia tanto no blog de coordinación (http://blog.openoffice.gl) como no web de Proxecto Trasno.

1 11 12 13 14 15 22